ANP - SDV - LDL

Lia di Diretëures ladins

News

In der Vollversammlung am 29.02.2012 wurde Gustav Tschenett zum neuen Vorsitzenden der Südtiroler Direktorenvereinigung gewählt

De nos

La lia ANP-SDV-LDL é sindacat y al medemo tëmp inće assoziaziun profescionala di direturs dla scora de Südtirol. Dala süa nasciüda tl 1988 incà éra deventada le sindacat di direturs dla scora de Südtitol plü sterch. Te süa funziun sindacala àra dè n contribut sostanzial y fondamental tl laurè fora l’contrat coletif di dirighënć dla scora che è jü en forza tl 2003 y che é tratan gnü en pert renovè. Sura le sorvisc de sindacat fora – tratatives de contrat, interpretaziuns dla normativa y la rapresentanza de mëmbri tl cajo de dificultês de natüra iuridica - organisëia la lia di direturs dles scores formaziun, assistënza iuridica, assistenza por la ponsiun, na sconanza giuridica, n’ assicuraziun y inće na consulënza por la detlaraziun dles cutes. I surastanć vëgn daidà te süa ativitè da n staff de direturs.

I surastanć y le staff se ürta regolarmënter por programè l’ativité dla lia, por baié de temesc y problems d’atualité y por se partì sö le laûr. A desfarënzia cun d’atres assoziaziuns sindacales de Südtirol ne à la lia di direturs nia funzionars sindacai destacà dal laûr, y porchël é vigni mëmber tignì a dè so - inće pice - contribut por so bëgn y chël dla categoria.

Les regoles de comportamënt che é gnüdes deliberades dala riuniun plenara tl 2004 rapresentëia te n cheder de gran trasparënza na sort de prinzips etics di mëmbri ti confrunć dla sozieté de Südtirol. La lia di direturs de Südtirol é cunscidrada n’assoziaziun de valüta da pert dl’aministraziun y dla politica scolastica y vëgn inće tignida al alt te cuestiuns debatüdes sura temesc de reforma y svilup dla scora, temesc de politica dl personal y dl dërt scolastich.

Prinzips fundamentei y normes da tenì ite dai diretёures dla scoles de nosta provinzia

1.      N cunlaurazion cun duc chёi che lёura te scola, per la scola y tl ambient scolastich y se dajan ju cun i bujёns pedagogics y soziei cialons de valorisé l’educazion, la furmazion y l nseniamёnt.

2.      Nёus se purvon de arjonjer i obietifs che se on tёut dant per nosta scoles y chёi che vёn damandei dala sozietà tenian cont dla particulariteies de nosc raion che ie autonom y plurilinguistich.

3.      Nёus tulon su nosta ncёria de purté inant la scoles coche n duvier per l daunì metan su regules che garantёsc ai sculeies/ ala sculées de pudёi mparé sciche toca, aldò di tёmps atuei y fé pea nstёsc l svilup educatif.

4.      Nёus son davierc ai fins dla scola y se tulon dant de se dé da fé cun duta nosta forzes persuneles y de vester for da garat cun duc i mesuns che on a despusizion.

5.      Nёus ulon judé do y stimulé l svilup dla scola jan dl viers dl’autonomia y di bujёns dl luech y cialon de sustenì cuntenuc nueves y de miuré la cualità dl nseniamёnt. Nsci laurons deberieda cun d’autra scoles, te grups o teams coche te na gran familia, fajan pea pra la valutazion sistematica dla scoles.

6.      Nёus stimon l lёur de nosc/nosta culaburadёures nsci che duc/dutes po(ssa) se sentì da cёsa y viver te n tlima de crёta y fidanza. Se purvon de mantenì i valors che nёus se aspiton dai autri y de viver aldò.